Abdin Fərzəliyev İlkin Əsədovu özünə müavin gətirir - FOTO

16-01-2025, 14:11 139

Abşeron rayon İcra hakimiyyətinin başçısı Abdin Fərzəliyev yaxın günlərdə özünə yeni müavin təyin edəcək.

Bu barədə AzFakt.com saytının mötəbər mənbədən əldə etdiyi məlumatda deyilir.

Məlumata görə icra hakimiyyətində müavin postuna təyin ediləcək şəxs heç də kənardan gətirilməyəcək.

Yeni müavinin hazırda Sənədlər və vətəndaşların müraciətləri ilə iş şöbəsinin müdiri İlkin Əsədov olduğu bildirlir.

İlkin Əsədovun icra başçısına sosial məsələlər üzrə müavin təyin ediləcəyi deyilir.

Qeyd edək ki, Baş Prokuror yanında Korrupsiyaya qarşı Mübarizə Baş İdarəsi 2023-cü ilin noyabr ayında Abşeron Rayon İcra Hakimiyyətində əməliyyat keçirmişdi. Həmin əməliyyatda ilkin olaraq icra hakimiyyətinin 4 əməkdaşının həbs edildiyi bildirilirdi. Həmin 4 nəfərin birinin də Sənədlər və vətəndaşların müraciətləri ilə iş şöbəsinin müdiri İlkin Əsədov olduğu iddia edilir. Lakin sonradan Baş Prokurorluğun yaydığı məlumatda icra hakimiyyətinin bir əməkdaşının - Mirqasım Mirişlinin həbs edildiyini qeyd etmişdi.

Onu da qeyd edək ki, İlkin Əsədovun Abşeron rayon İcra Hakimiyyətinin başçısı Abdin Fərzəliyevə ən sevimli kadrlarından olduğu vurğulanır.

Xəbər xoşunuza gəlib? Sosial şəbəkələrdə paylaşın